Cultural Fest-2013
గోదావరిఖని: స్థానిక గాంధీనగర్‌లోని 'గీతాంజలి హైస్కూల్‌' నందు శనివారం 'కల్చరల్‌ ఫెస్ట్‌-2013' పేరిట సాంస్కృతిక కార్యక్రమాలను నిర్వహించారు. ఈ సందర్భంగా విద్యార్ధులు ప్రదర్శించిన పలు కళారూపాలు ప్రేక్షకులను అలరించాయి. లేటెస్ట్‌ పాటల నృత్యాలతో పాటు.. చారిత్రక మహాభారతం, రామాయణంలకు సంబంధించిన నాటికలు, పాటల నృత్య రూపాలు అబ్బురపరిచాయి. సాయంత్రం వరకు కొనసాగిన ఈ కార్యక్రమంలో పలు రకాల ప్రదర్శనలు విద్యార్ధులు ప్రదర్శించారు. వివిధ విభాగాలలో ప్రతిభ కనబరిచిన విద్యార్ధులను పాఠశాల కరస్పాండెంట్‌ కంది రవీందర్‌రెడ్డి అభినందించారు. పాశ్చాత్య నృత్యాలకు మక్కువ చూపుతున్న ఈ రోజుల్లో పురాణ గాథల నుండి విషయాలను ప్రదర్శనలకు తీసుకోవడం పట్ల పలువురు అతిథులు, పోషకులు నిర్వాహకులను ప్రత్యేకంగా అభినందించారు. ఈ కార్యక్రమంలో అధిక సంఖ్యలో స్థానికులు, పోషకులు, ఉపాధ్యాయులు, విద్యార్ధులు పాల్గొన్నారు.
