మానవత్వం పరిమళించె...
వికలాంగ మిత్రునికి ఆర్థిక సహాయం
వికలాంగుడైన మిత్రునికి చిన్ననాటి స్నేహితులు ఆర్థిక సహాయం చేసి ఆదుకున్నారు. రామగుండ పట్టణానికి చెందిన కనుకుంట్ల శ్రీనివాస్‌కు ప్రమాదవశాత్తు రెండు చేతులు తెగిపోయాయి. ఆర్థికంగా కొద్ది రోజులుగా బాధపడుతున్నాడు. దీంతో అతనితో పదో తరగతి చదువుకున్న 1985-86 బ్యాచ్‌ విద్యార్ధులు రూ.11,500 జమ చేశారు. ఆ మొత్తాన్ని బుధవారం ఆయనకు అందజేశారు. శ్రీనివాస్‌ను ప్రభుత్వం ఆదుకోవాలని వారు కోరారు. సాయం చేసిన వారిలో దయానర్సింగ్‌, రియాజొద్దీన్‌, మజారోద్దీన్‌, అంజయ్య, సుందిల్ల వెంకటస్వామి, రాజు, ఇసంపల్లి తిరుపతి ఉన్నారు. అందుకే అన్నారు.. 'ప్రార్ధించే చేతుల కన్నా.. సేవ చేసే చేతులు మిన్న'
